नेकपा एमालेले ६ महिनाभित्रै नागरिकतासम्बन्धी समस्याको समाधान गर्ने प्रतिबद्धता जनाएको छ ।
मंगलबार सार्वजनिक चुनावी घोषणापत्रमा एमालेले सरकार गठन भएको ६ महिनाभित्र नागरिकतासम्बन्धी समस्या समाधान गर्ने उल्लेख गरेको छ । एमालेले सरकार गठन भएको एक महिनाभत्रि नेपाली नागरिकका सन्तालले नागरिकता नपाउने अवस्थाको अन्त्य गर्ने पनि प्रतिबद्धता जनाएको छ ।
‘हाम्रा काम राष्ट्रिय गौरव बढाउन र सबैनागरिकको सम्मानजनक जीवनस्तर हासिल गर्ने कार्यक्रममा केन्द्रित हुनेछन् । सरकार गठन भएको एक महिनाभित्र नेपाली नागरिकका सन्तानलेनागरिकता नपाउने अवस्था अन्त्य गर्ने र छ महिनाभित्र नागरिकतासम्बन्धी समस्या हल गरिने छ । एक वर्षभित्र राष्ट्रिय परिचयपत्र वितरण गरिने छ,’ घोषणापत्रमा भनिएको छ ।
