लुम्बिनी प्रदेशको मुख्यमन्त्रीमा एमाले संसदीय दलका नेता लीला गिरी नियुक्त भएका छन् । प्रदेश प्रमुख अमिक शेरचनले नेता गिरीलाई बुधबार मुख्यमन्त्रीमा नियुक्त गरे । गिरी लुम्बिनी प्रदेशको तेस्रो मुख्यमन्त्री बनेका हुन् । गिरिलाई ७ दल र २ स्वतन्त्र सहित ५८ सांसदको समर्थन छ । संविधानको धारा १६८ को उपधारा (२) बमोजिम दुई वा दुईभन्दा बढी दलहरूको समर्थनमा बहुमत प्राप्त गरेका गिरीलाई मुख्यमन्त्री नियुक्त गरेको प्रदेश प्रमुखको कार्यालयले जनाएको छ ।
गिरीले ८७ सदस्यीय प्रदेशसभामा एमालेका २९, माओवादी केन्द्रका १०, राष्ट्रिय प्रजातन्त्र पार्टी (राप्रपा) का ४, नागरिक उन्मुक्ति पार्टीका ४, जनता समाजवादी पार्टी (जसपा) का ३, जनमत पार्टीका ३ लोसपा ३ र स्वतन्त्र २ गरि सहित ५८ सांसदको समर्थनमा मुख्यमन्त्रीमा नियुक्तिको लागि दावी पेश गरेका थिए । लुम्बिनीमा बहुमतको लागि ४४ सांसद आवश्यक पर्छन । लुम्बिनीमा एमाले माओवादीबीच आलोपालो सरकारको नेतृत्व गर्ने सहमति भएको छ ।
