बुटवलमा प्रकाश दुतराज, मिलन नेवार, र खुमन अधिकारीको प्रस्तुति रहने छ । यसैगरी भैरहवामा नेपाल आईडल प्रविण वेडवाल र एन्जिला रेग्मी, कर्णराज गिरिको प्रस्तुति रहने छ भने घोराहीमा नेपाल आईडलका अमित बरालको ब्याण्डको प्रस्तुति रहने अध्यक्ष भण्डारीले जनाए ।

होटलमा सहुलियत मूल्यमा खानाहरु उपलब्ध हुने उनले बताए । न्यनतम ५० रुपैयाँबाटै खाना नास्ताको व्यवस्था गरिएको छ । उनले भने । स्थापनाको ६ वर्षको अवधिमा नै देशका ११ मुख्य शहरमा होटलको सेवा दिन सफल भएको उनले बताए ।

होटलका प्रबन्ध निर्देशक विष्णु ज्ञवालीले मिशन हन्ड्रेडको लक्ष्यसहित अगाडि बढेको भएपनि कोभिड संक्रमणका कारण लक्ष्य प्राप्तीमा केही व्यवधान आएको बताए । शाखा विस्तारको क्रममा संघीय राजधानी काठमाडौं र मधेश प्रदेश जनकपुरमा शाखा विस्तारको सम्भाव्यता अध्ययन भैरहेको उनले बताए । लुम्बिनी प्रदेशका मुख्य पर्यटकिय स्थलहरुमा पौवाको पहुँच पुगिसकेको छ, अन्य प्रदेशहरुमा पनि अध्ययन गरिरहेका छौं । उनले भने ।

होटलका ब्राण्ड प्रमुख विष्णु भण्डारीले होटल व्यवस्थापनमा नयाँ सोचका साथ सेवा दिन सफल भएको बताए । उनले टिपिकल नेपालीपनको सेवा दिने गरी नया ढंगबाट सेवा दिन सफल भएको दावी गरे । प्राय होटलहरुले विदेशी हस्पिटालिटीको ब्राण्डमा सेवा दिने गरेपनि पौवाले नेपाली टिपिकल हस्पिटालिटीको विकास गरेर पहितान दिने प्रयास गरेको उनले बताए । पछिल्लो समय पौवाको मरौठी चिकन र मरौठी पनिर विशेष परिकारका रुपमा ग्राहकले मन पराईदिएको पनि भण्डारीले बताए । सेवासँगै नेपाली संस्कृति जगेर्नालाई प्राथमिकता दिएको उनले बताए ।

शिवरात्री, माघि, जन्माष्टमी, तिज, असार १५ मा दहि चिउरा खुवाउने, भजन क्रितन गर्ने जस्ता धर्मसंस्कृति जगेर्ना र प्रचारप्रसारमा लागेको उनले बताए । हाल बुटवल शाखामा ३५ क्षमता बेड, आकर्षक एक हजार क्षमताको बैङकट हल, भैरहवा र पोखरामा १ हजार ५ सय क्षमताको बैकट तथा हरेक होटलहरुमा बैठक र गोष्ठी गर्न मिल्ने हलहरुको सुविधा रहेको उनले जानकारी दिए ।

बुटवल, भैरहवा, पाल्पा, रेसुङा, पोखरा, गोरुसिङे, भालुवाङ, लमही, घोराही, धनगढी, जुम्लामा शाखा रहेको छ । पौवाका ११ शाखामा दैनिक ७ सय ५० जनालाई बसाईको सेवा दिनसक्ने क्षमता रहेको छ । देशभरका ११ वटा शाखामा ४ सय ५० जनाले प्रत्यक्ष रोजगारी पाएका छन ।