बुटवल । दशैंको अवधिमा मात्र लुम्बिनी प्रदेशमा सवारी दुर्घटना हुँदा २२ जनाको मृत्यु भएको छ ।
नेपाल प्रहरी, राजमार्ग सुरक्षा तथा ट्राफिक व्यवस्थापन कार्यालय बुटवलका अनुसार असोज ६ गते देखि १९ गते सम्मको अवधिमा दुर्घटनामा परी लुम्बिनी प्रदेशमा २२ जनाको मृत्यु भएको हो । यो अवधिमा ५३६ वटा सवारी साधन दुर्घटना भएका थिए ।
दुर्घटनामा परी १४८ गम्भिर घाईते भएका छन भने ५८७ जना सामान्य घाईते भएको प्रहरीले जनाएको छ । प्रदेशका १२ जिल्लामा सवैभन्दा बढि मृत्यु र सवारी दुर्घटना रुपन्देहीमा भएको छ ।
रुपन्देहीमा १३५ सवारी दुर्घटना हुँदा ७ जनाको मृत्यु भएको नेपाल प्रहरी, राजमार्ग सुरक्षा तथा ट्राफिक व्यवस्थापन कार्यालय बुटवलका प्रहरी नायव उपरिक्षक दिपेश बस्यालले बताए ।
मृत्यु हुनेमा पुरुष १२ जना, महिला ७ जना र बालबालिका ३ जना छन् । त्यस्तै बाँकेमा ४ जनाको मृत्यु भएको छ । बर्दियामा ३, अर्घाखाँचीमा २, कपिलबस्तुमा ३, पाल्पामा २, दाङमा १ जनाको मृत्यु भएको उनले बताए ।
