बुटवल । कामना सेवा विकास बैंकले आफ्नो १६ ओैं वार्षिक उत्सवको अवसरमा सामाजिक उत्तरदायित्व अन्र्तगत रक्तदान जिवन दान भन्ने मूलमर्म लाई आत्मसाथ रक्तदान कार्यक्रम सम्पन्न गरेको छ ।
बुटवलमा रहेको नेपाल स्वयंसेवि रक्तदाता समाज रुपन्देही को सहकार्य तथा रक्तसञ्चार सेवा केन्द्र संगको सहजीकरणमा रक्तदान कार्यक्रम सम्पन्न भएको हो ।
बैंकका सञ्चालक समिति सदस्य भिम प्रसाद तुलाचनको प्रमुख आतिथ्यता, नेपाल स्वयंसेवि रक्तदाता समाज रुपन्देही का अध्यक्ष कृष्ण चौहान क्षेत्रीको अध्यक्षतामा भएको उक्त रक्तदान कार्यक्रममा ९० युनिट ब्लड संकलन भएको थियो ।
सो अवसरमा बोल्दै प्रमुख अतिथि तथा बैंकका सञ्चालक समिति सदस्य भिमप्रसाद तुलाचनले बैंकले सामाजिक कार्य अन्तर्गत रक्तदान कार्यक्रमलाई निरन्तरता दिईएको बताए ।
बैंकले यस अघि पनि सहयोग वितरण, विद्यालयहरुमा छात्रबृत्ति वितरण, सरसफाई, बृक्षारोपण जस्ता सामाजिक कार्य गरेको बताउंदै सवैभन्दा ठुलो रक्तदान कार्यक्रमलाई आगामी दिनमा पनि निरन्तरता दिने बताए । कार्यक्रममा नेपाल स्वयंसेवी रक्तदाता समाज रुपन्देही कि सदस्य भगवती अर्याल, बैंकका क्षेत्रिय प्रबन्धक मोहन दत्त खनाल लगाएतले बालेका थिए ।
