उनले बिद्युतको राष्ट्रिय प्रसारणसंग जोडिने कुरा जिल्लाको लागि ज्यादै महत्वपूर्ण काम भएकाले बिद्युतको अभावमा रोकिएका उद्योग कलकारखानामा लगानी गरेर पहाडको बसाईसराई रोक्नुनै आफुहरुको उदेश्य रहेको बताए । यसले अवसरका ढोकाहरु खोलेकाले सदुपयोग गरेर आर्थिक समृद्धिका काममा लाग्न उद्योगी, व्यवसायी तथा लगानीकर्ताहरुलाई शाक्यले आग्रह गरे ।

प्राधिकरणको लगानीको उदेश्य देशको अर्थतन्त्रमा टेवा पुराउने भएकाले साना, मझौला र ठूला उद्योगलाई प्रयाप्त बिद्युत पुग्ने पहाडी जिल्लामा कृषिमा आधारित उद्योगको संभावना बढेको बताए । उनले राष्ट्रिय प्रसारण लाइनले जिल्लाहरुमा पटक–पटक बिद्युत अवरुद्ध हुने समस्याको अन्त्य गर्नुको साथै आर्थिक समृद्धिको आशा जगाएको बताए ।

दुई दिन रेसुङ्गा नगरपालिका–०७ उनायचौर सवस्टेशनदेखि बागलुङ बुर्तिबाङ्गसम्मको १३२ के.भी. राष्ट्रिय प्रसारण लाइनको परीक्षण गरेर सञ्चालन गरिएको छ । यो राष्ट्रिय प्रसारण लाइनको उनायचौर र मुसिकोट नगरपालिका–१ पौदी अमराईमा गरेर दुई वटा सवस्टेशन गुल्मीमा रहेका छन् ।

कपिलवस्तुको मोतिपुरदेखि–सन्धिखर्क–तम्घास–बुर्तिबाङ्ग सम्म करिव ८६ किलोमिटर दुरीमा पाँच सवस्टेशन र २४८ टावर निर्माण गरिएको कपिलवस्तुको मोतिपुरदेखि–सन्धिखर्क–तम्घास–बुर्तिबाङ्ग आयोजना प्रमुख इन्जिनीयर मनोज चौधरीले जानकारी दिए ।
उनका अनुसार अहिलेसम्म चार अर्ब सात करोड ६१ लख ६२ हजार ७३५ रुपियाँमा सवस्टेशन र प्रसारण लाइन बिस्तार भएको छ ।

आयोजनाको लगानी नेपाल सरकार, उर्जा वलस्रोत तथा सिंचाई मन्त्रालय र बिद्युत प्राधिकरणले गरेको छ । आयोजना प्रमुख चौधरीले एउटै जिल्लामा दुई वटा राष्ट्रिय प्रसारण लाइनको दुई वटा सवस्टेशन गुल्मीमा मात्र रहेको बताए । उनले भने,“योजनाको सफल परीक्षण गर्न पाएकामा हामी त खुसीनै छौ त्यो भन्दा भाग्यमानी गुल्मेली नागरिक छन् । एउटै जिल्लामा दुई वटा सवस्टेशन निर्माण भएका छन् ।”

कुनै समय टुकी बालेर चुनावी अभियान सञ्चालन गर्नुपर्ने गुल्मीका निर्वाचन क्षेत्रहरुमा दुई सवस्टेशन निर्माण गरेर बिद्युतको राष्ट्रिय प्रसारण लाइनमा जोडिन पाउनु गुल्मेलीको लागि निकै सुखद बिषय भएको बताए । पूर्व उर्जामन्त्री गोकर्ण बिष्टले आफुले समावेश गरेको महत्वपूर्ण आयोजना सफल हुँदा गर्वको महसुस भएको बताउँदै अब उद्योग कलकारखाना मार्फत जनताको आर्थिक समृद्धिको पक्षमा काम गरिने बताए ।
प्रमुख जिल्ला अधिकारी बद्रीनाथ गैह्रेले राष्ट्रिय प्रसारण लाइनमा जोडिने बित्तिकै नागरिक मात्रै नभएर सरकारी काममा समेत सहज भएको बताए । उनले धेरै पटक बिद्युत जाँदा सरकारी कार्यालयबाट हुने सेवा प्रबाहमा समेत ठूलो समस्या हुँदै आएको अवस्थामा राष्ट्रिय प्रसारण लाइनले ठूलो राहत प्रदान गरेको बताए ।

जव गोकर्णको सपना पूरा भयो
विकासप्रेमी नेता गोकर्ण विष्ट गुल्मी–२ सँगै सिंगो जिल्लाको विकासमा ध्यान दिने नेता हुन ।

भुईमान्छेका कुरा सुन्ने उनको गर्विलो छविले आम जनता उनी सँग सन्तुष्ट हुन्छन् । जनताका समस्या सँग नजिक हुँदै त्यसको समधानकालागि पहल कदमी गर्ने उनको बानी धेरै नेताका लागि सिकाई बन्न सक्छ ।

नेता विष्ट गुल्मीको विद्युक्तिकरणमा चिन्ता गर्थे । गाउँ गाउँ विद्युक्तिकरण भएपनि ट्रिपिङ समस्याबाट जनता पीडित थिए । यस कारण पनि उनी गुल्मीको विद्यूक्तलाई राष्ट्रिय प्रशारण लाईनमा जोड्न चाहन्थे ।

उनकै पहलमा यो आयोजना सुरु भयो । दुई दिन देखि परिक्षण समेत भएको छ ।

‘गुणस्तरिय विद्युक्त गुल्मेली जनताले उपयोग गर्ने दिन आउँदा खुसी लागेको छ । यसले अब साना ठुला उद्योग देखि लद्यु र घरेलु उद्योग सञ्चालनमा समेत कठिनाई हुने छैन् । पहिले जस्तो विद्युक्तको समस्या अब हुँदैन’ उनले भने ।