कात्तिक ९ गते पहिलो दिनको टिकट दर १७ हजार ८५५ रुपैया रहेको छ । त्यसपछि कात्तिक १२, १६ र १९ गतेका उडानको लागि १३ हजार ३६ रुपैया निर्धारण गरिएको छ । यो एयर एशियाको वेवसाइटमा देखिएको भाडादर हो ।

जहाजको भाडादर परिवर्तन भइरहन्छ । कात्तिक २३ गते १५ हजार ३५ रुपैया देखिएको छ। त्यसपछिका उडानमा १३ हजार ३६ रुपैया नै रहेको छ । तालिका अनुसार दिउसो सवा १२ बजे एयर एशियाको जहाज भैरहवा आउने छ ।

सवा १ बजे भैरहवाबाट बैंकक प्रस्थान गर्ने छ । थाइ एयर एशियाले गत वर्ष पनि विन्टर सेड्युलमा उडान गरेको थियो । तर चैत्रबाट उडान रोकिएको थियो । कात्तिकबाट फेरी गौतम बुद्ध अन्तर्राष्ट्रिय विमानस्थलमा उडान सुरु गर्न लागेको हो ।

विमानस्थलका महाप्रबन्धक प्रतापबाबु तिवारीले अन्तर्राष्ट्रिय उडान, यात्रुहरुको सहजता र सुरक्षाको लागि विमानस्थल प्रशासन तयार रहेको बताए । फेरि हुन लागेको भैरहवा–बैंकक उडानको निरन्तरताको लागि पर्यटन व्यवसायीहरुको भूमिका पनि महत्वपूर्ण हुने उनले बताए ।