प्रजिअ पाण्डेले भने, ‘अविरल वर्षाका कारण धेरै यात्रुहरू अलपत्र परिरहेका छन्, एक हजार यात्रु अहिले पनि हिजोदेखि भैरहवाको गल्लामन्डीस्थित हनुमान मन्दिरमा छन् ।’

त्यस्तै संख्यामा अरू यात्रु बेलहिया, बुटवलमा रहेका उनले जानकारी दिए । ‘सडक सुचारु छैन, एयरलाइन्समा टिकट पाउन मुश्किल छ, यसैले हामीले संस्कृति, पर्यटन तथा नागरिक उड्डयन मन्त्रालयसँग सहकार्य गरेर नेपाल एयरलाइन्सको चार्टर फ्लाइटमार्फत उद्धार थालेका हौं,’ उनले भने ।​

विपद्‌को समयमा जनतालाई सेवा दिनेगरी नेपाल एयरलाइन्सले भैरहवा-काठमाडौं चार्टर उडान गर्ने भएको हो ।