बर्दिया राष्ट्रिय निकुञ्ज मध्यवर्ती सामुदायिक क्षेत्रका अध्यक्ष हेमन्त आचार्यका अनुसार, शनिबार राति करिब ११ बजेतिर खेतमा धान खान आएको हात्तीलाई धपाउन गएकी खत्रीलाई हात्तीले आक्रमण गरेको थियो। आक्रमणबाट गम्भीर घाइते भएकी उनको घटनास्थलमै मृत्यु भएको हो।

बर्दिया राष्ट्रिय निकुञ्ज आसपासका क्षेत्रमा जंगली जनावर, विशेषगरी हात्ती र बाघको आक्रमणका घटनाहरू बारम्बार हुने गरेका छन्।

पाकेको धानबाली जोगाउन स्थानीय बासिन्दाहरू रातभर जाग्राम बस्न बाध्य छन्, जसले गर्दा मानव-वन्यजन्तु द्वन्द्व बढ्दो छ। घटनापछि स्थानीय त्रसित बनेका छन्।