बुटवल । दशैँ अफरअन्तर्गत बजाज बाइक खरिद गर्दा रुपन्देहीको देवदह नगरपालिका-१० की देवीमाया अधिकारी ५० हजार रुपैयाँ नगद पुरस्कार हात पार्न सफल भएकी छन् । उनले बुटवल कालिकानगरस्थित श्री भैरव अटोमोबाइल्स प्रालिबाट बजाज पल्सर १५० सिंगल डिस्क खरिद गर्दा लुम्बिनी प्रदेशकै भाग्यशाली ग्राहक बनेकी हुन् ।
सोमबार आयोजित विशेष समारोहमा श्री भैरव अटोमोबाइल्स प्रालिका म्यानेजिङ डाइरेक्टर कृष्णबहादुर खड्काले अधिकारीलाई नगद हस्तान्तरण गरे । नेपालमा बजाज मोटरसाइकलका आधिकारिक वितरक हंसराज हुलासचन्द एण्ड कम्पनीले यस वर्ष दशैँ-तिहारलाई लक्षित गर्दै “बजाज प्रिमियर लिग (मनाऔं जितको उत्सव)” अफर सार्वजनिक गरेको हो ।
यसपटक कम्पनीले परम्परागत स्क्र्याच कार्ड प्रणाली हटाएर ग्राहकलाई अनलाइन इन्टरएक्टिभ क्रिकेट गेममार्फत पुरस्कार वितरण गर्ने व्यवस्था गरेको छ । हरेक हप्ताको शीर्ष स्कोररलाई १ लाख रुपैयाँसम्म पुरस्कार दिइनेछ भने न्यूनतम ७ हजार रुपैयाँसम्मको नगद पुरस्कार पाउने व्यवस्था गरिएको छ । साथै, एक भाग्यशाली ग्राहकले आफ्नो मनपर्ने क्रिकेटरलाई प्रत्यक्ष भेट्ने अवसर समेत पाउनेछन् ।
यस्तै, असोज ५ देखि १० गतेसम्म कम्पनीले देशव्यापी “नेशनल फ्रि चेकअप क्याम्प” सञ्चालन गरिरहेको छ । जसअन्तर्गत ५० प्रतिशत लेबर चार्ज, १६ प्रतिशत इन्जिन आयल, १० प्रतिशत स्पेयर पार्ट र १० प्रतिशत युरो ग्रिप टायरमा छुटको व्यवस्था गरिएको छ ।
रुपन्देही क्षेत्रमा बिक्री वितरण गर्दै आएको श्री भैरव अटोमोबाइल्स प्रालिमा हाल करिब दुई दर्जन कर्मचारी तथा टेक्निसियन कार्यरत छन् । कम्पनीले हाल एफआई र एबिएससहित १५ भेरियन्टका मोटरसाइकल बजारमा उपलब्ध गराएको जनाएको छ ।
