जेनजीको आन्दोलनका क्रममा लुटपाटमा संलग्न भएको पाइएपछि बुटवलमा एक जना शिक्षकको जागिर गएको छ ।
बुटवलको कालिका मानवज्ञान माविमा पढाउने शिक्षक शिवशंकर शुक्लाले आन्दोलनका नाममा भाटभटेनी सुपर मार्केटको लुटपाटमा संलग्न भएपछि विद्यालयले उनलाई जागिरबाट बर्खास्त गरेको हो ।
उनले चोरी गरेको भिडियो र फोटो सामाजिक सञ्जालमा भइरल भएपछि विद्यालयका प्रधानाध्यापक दिनेश थापाले शनिबार सूचना प्रकाशित गरी शुक्लालाई जागिरबाट निकालिएको जानकारी दिएका हुन् ।
उनी विद्यालयका कम्प्युटर शिक्षक थिए । आन्दोलनका क्रममा बुटवलको भाटभटेनीबाट सबै सामान लुटपाट भएको थियो ।
