जिल्ला प्रशासन कार्यालय रुपन्देहीले निषेधाज्ञा र कर्फ्यु आदेश जारी गरेको छ।

सम्भावित प्रदर्शन र झडपलाई मध्यनजर गर्दै राति ९ बजेदेखि बिहान ६ बजेसम्म कर्फ्यु लागू गरिएको हो । साथै आवतजावत, सभा, जुलुस, प्रदर्शन पूर्ण रूपमा निषेध गरिएको छ।

यस्तै, बिहान ६ बजेदेखि राति ९ बजेसम्म निषेधाज्ञा लागू हुनेछ, जसमा पाँच जनाभन्दा बढी भेला हुन नपाइने जारी सूचना उल्लेख छ ।

आदेश उल्लङ्घन गर्नेहरूमाथि प्रचलित कानूनअनुसार कडा कारबाही गरिने जिल्ला प्रशासन कार्यालयले चेतावनी दिएको छ।