उनले नेपाल देवभूमि, अत्यन्तै पावनभूमि, तपोभूमि, ध्यानभूमि, ज्ञानभूमि भएको बताए । साथै उनले यहि संस्कति र परम्परालाई देवस्थल जस्ता मन्दिरहरुलाई अनुसरण गर्दै सम्बृद्ध संस्कृतिको रुपमा अगाडि बढ्नुपर्ने उनको भनाई छ । साथै उनले नेपाल विभिन्न चाडपर्व, संस्कृति र सम्पदाले सम्पन्न मुलुक भएको बताए ।

विश्वका कतिपय देशहरू ठूला र विकसित भए पनि नेपालमा जस्तो संस्कृति र परम्परा अनेत्र नभएको दावी गरे । त्यस्तै उनले मन्दिर व्यवस्थापन समितिले निर्माण गर्न लागेको बहुउद्देश्यीय भवन निर्माणका लागि आफ्नो सहयोग रहने प्रतिबद्धता समेत जनाए ।

रुपन्देही क्षेत्र नं. २ का सांसद समेत रहेका पौडेलले रुपन्देही पूर्वधारको विकास सँगै मानविय विकासमा अव्वल बन्दै गइरहेको समेत बताए । रुपन्देहीमा अहिले निर्माणधिन अवस्थामा रहेका आयोजनाहरु छिटो सम्पन्न गर्न आवश्यक बजेटको कमि नहुने बताउंदै रुपन्देहीले पूर्वधार विकासमा छलांग मारेको बताए ।

अर्थमन्त्री पौडेललाई देवस्थल मन्दिर व्यवस्थापन समितिकी अध्यक्ष पुष्पा शर्माले पुष्पगुच्छाबाट स्वागत गरेकी थिईन । सो क्रममा उनले धर्मशाला, जेष्ठ नागरिक मिलन केन्द्र निर्माण गर्ने तयारी समितिले गरेको बताईन ।

कार्यक्रममा समितिका बरिष्ठ उपाध्यक्ष कमल नेपाल, उपाध्यक्ष हरि घिमिरे, सचिव रनमाया चापागाई, सह सचिव जिवलाल बस्याल, कोषाध्यक्ष बद्री लम्साल, सह कोषाध्यक्ष माया बेलबासे सदस्यहरु गणेश न्यौपाने, कमला न्यौपाने, मञ्जु खड्का, लक्ष्मी श्रेष्ठ, एकदेव न्यौपाने, श्याम पोखरेल, पप्पु वि.क. ललिता खनाल लगाएतले अर्थमन्त्री पौडेललाई स्वागत गरेका थिए ।