बुटवल । एएचएफ नेपालको लुम्बिनी प्रादेशिक अस्पतालमा रहेको एचआईभी सम्बन्धी परियोजनाले ‘परियोजना सल्लाहकार समिति’ को बैठक सम्पन्न गरेको छ । बैठकमा एएचएफ नेपालको हालको परियोजना उद्देश्य र लक्ष्य सहित कार्यक्रम संयोजक धर्मराज भट्राईले प्रस्तुतीकरण दिएका थिए । सो अवसरमा उनले हाल १ हजार ६७१ ज्ना एचआईभी संक्रमितहरुले त्यस विरुद्धको औषधि नियमित सेवन गरेको जानकारी दिए ।
साथै उनले गत ६ महिनाको अवधिमा १४ हजार ३१२ कण्डम वितरण गर्नुका साथै ३८७ जनालाई परियोजनाले आर्थिक सहयोग गरेको बताए । उनका अनुसार गत ६ महिनामा मात्र ३४ जना नयाँ एचआईभी संक्रमित पत्ता लगाई उपचारमा आबद्ध भएका छन् ।
यस्तै चालु आर्थिक बर्षको अन्त्य सम्म ९८ प्रतिशत एचआईभी संक्रमित विरामीहरुको भाइरल लोड घटाइएको उनले बताए । बुटवल उपमहानगरपालिकामा सञ्चालनमा भएको उक्त बैठकमा बुटवल उपमहानगरपालिकाका प्रमुख कार्यकारी अधिकृत मित्रमणी खनाल, स्वास्थ्य शाखा प्रमुख युवराज पाण्डे लगाएतले बाेलेका थिए ।
कार्यक्रममा स्वास्थ्य शाखाका कर्मचारीहरु, एचआईभीमा काम गर्ने संघसंस्थाका प्रमुख तथा प्रतिनिधीहरु, कानुन व्यवसायीहरुको उपस्थिती रहेको थियो ।
