बुटवल । रुपन्देहीको तिलोत्तमामा माछा पाल्न भनेर बनाइएको पोखरीमा डुवेर एक बालको मृत्यु भएको छ ।
तिलोत्तमा–७ भलबारीका १५ बर्षिय प्रज्ञान गौतम घर नजिकै स्थानिय व्यवसायी नारायण बञ्जाडेले माछा पाल्न भनेर खनेको पोखरीमा पौडी खेल्न गएका थिए । पौडी खेल्ने क्रममा पोखरीमा डुवेर उनको मृत्यु भएको ईलाका प्रहरी कार्यालय बुटवलका प्रमुख प्रहरी नायव उपरिक्षक ईन्द्र रानाले जानकारी दिए ।
तिन चार जना साथीसग पौडी खेल्न भन्दै गएका प्रज्ञान साझ ६ बजेतिर पोखरीमा डुबेका थिए । बालक पोखरीमा डुबेको भन्दै साझ ७ बजेतिर खबर आएपछि उद्धारको लागि गएको प्रहरीले राती १० बजे मात्रै पोखरीमा डुबेका बालकलाई बाहिर निकालेको रानाले बताए ।
पोखरीको चारैतर्फ पर्खाल उठाएको भएपनि गेट राख्न बांकी रहेको र गेट खुल्ला भएपछि उनी पौडी खेल्न पोखरीमा पसेका थिए ।
