राष्ट्रिय स्वतन्त्र पार्टीले रुपन्देही निर्वाचन क्षेत्र नं ३ मा हुने उपनिर्वाचन सम्बन्धी सम्पूर्ण कार्यको नेतृत्व गर्ने जिम्मेवारी सहमहामन्त्री एवं लुम्बिनी प्रदेश इञ्चार्ज विपिन कुमार आचार्यलाई दिएको छ।
बुधबार बसेको रास्वापा सचिवालय बैठकले उनलाई चुनावी कमाण्डर बनाउने निर्णय गरेको हो। त्यस्तै बैठकले उम्मेदवार छनोट कार्यविधि स्वीकृत गरी केन्द्रीय समिति सदस्यहरूको रायका लागि पठाउने निर्णय समेत गरेको छ।
रास्वपाले केही दिनभित्र कार्यविधिअनुसार उपनिर्वाचनका लागि उम्मेदवार बन्न इच्छुक व्यक्तिहरूबाट आवेदन आह्वान गर्नेछ र प्राप्त आवेदनहरूको मूल्यांकन गरी उम्मेदवार छनोट प्रक्रिया सञ्चालन गर्ने निर्णय समेत गरेको छ।
