मंगलबार रातिदेखि परेको वर्षाको कारण पश्चिम नवलपरासीको बर्दघाटमा ४५ घर डुबानमा परेको छ ।
बर्दघाट नगरपालिका–१० लन्डनबृज राजमार्गदेखि उत्तरतर्फको बस्ती डुबानमा परेको स्थानीय देविदत्त पौडेलले बताए ।
पानीको निकास नहुँदा वर्षाको पानी जम्मा हुँदा डुबान परेको हो । बस्ती जलमग्न भएपनि क्षति भएको छैन । डुबान भएको क्षेत्रका स्थानीयले सामान तथा पशु चौपाया सुरक्षित स्थानमा राखेका छ्न् ।
उत्तरतर्फबाट आएको पानीको निकास नहुँदा यो क्षेत्रमा वर्षा हुनासाथ जलमग्न हुने गरेको छ । पछिल्लो १२ घन्टामा पश्चिम नवलपरासीको बर्दघाटमा १४३.४ मिलिमिटर र परासीमा १००.२ मिलिमिटर वर्षा भएको छ ।
