बुटवल । अर्जै गुल्मी रुपन्देही सम्पर्क समाजको आयोजनामा मौलिक तीज मिलन कार्यक्रम सम्पन्न भएको छ।
गुल्मी जिल्लाको मालिका गाउँपालिका वडा नंं ६ अर्जै बाट रुपन्देही जिल्लामा स्थायी वा अस्थायी रुपमा बसोबास गर्नेहरु बीच आपसी भाईचारा कायम गर्दै नेपाली संस्कृतिको जर्गेना गर्ने उद्देश्यले समाजले तीज मिलन कार्यक्रमको आयोजना गरेको थियो ।
तीज मिलन कार्यक्रममा रुपन्देही जिल्लाका प्रमुख जिल्ला अधिकारी गणेश अर्याल, समाजसेवी तुल्सीराम अर्याल, चन्द्रमणी अर्याल लगाएतको उपस्थित रहेको थियो ।
सो अवसरमा बोल्दै प्रमुख जिल्ला अधिकारी अर्यालले तीज मिलन कार्यक्रमले गाउँठाउँका पुराना संगिसाथी सँग भेटको अवसर जुटाएकोमा समाजलाई धन्यवाद थिए ।
उनले समाजले धेरै रचनात्मक काम गर्दै अगाडि बढ्न सक्ने भन्दै समाजलाई सहयोग गर्न आफु सधै तयार रहेको बताए ।
रुपन्देहीको तिलोत्तमा स्थित ब्लुबेल पार्टि प्यालेसमा सम्पन्न भएको कार्यक्रमको अध्यक्षता समाजका अध्यक्ष रेशमचन्द्र भण्डारीले गरेका थिए भने कार्यक्रमको सन्चालन सस्थाका प्रथम उपाध्यक्ष मनोज गौतमले गरेका थिए ।
अर्जैको कला संस्कृती जोगाउने प्रस्तुति गोमा भण्डारी र चन्द्रमणी अर्यालले गरेको कार्यक्रम सयोजक सिर्जना आचार्य अर्यालले बताइन।
