हाल कोशी प्रदेशका केही स्थान तथा मधेश र बाग्मतीका थोरै स्थानमा हल्का वर्षा भइरहेको छ ।
आज दिउँसो कोशी, बागमती र गण्डकी प्रदेशका केही स्थानमा हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ । मधेश प्रदेशसहित बाँकी भेगका एक-दुई स्थानमा पनि पानी पर्ने सम्भावना छ ।
राति कोशी र मधेश प्रदेशलगायत बागमती र गण्डकीका पहाडी भेगका थोरै स्थान तथा बाँकी भेगका एक-दुई स्थानमा हल्कादेखि मध्यम वर्षाको सम्भावना छ।
हाल देशको पूर्वी भू-भागमा मनसुनी प्रणालीको प्रभाव रहेको छ ।
बाँकी भू-भागमा स्थानीय वायु, पश्चिमी वायु तथा भारतको विहार आसपास रहेको न्यून चापीय क्षेत्रको आंशिक प्रभाव रहेको महाशाखाले जनाएको छ ।
