यसैगरी बढ्दो जनसङ्ख्यालाई सेवा दिनुपर्ने भएकाले गुनासोरहित स्वास्थ्य सेवाका लागि सबै चिकित्सक, स्वास्थ्यकर्मी तथा कर्मचारीहरुको साथा आवश्यक रहेको उनले बताए । जनताले निःशुल्क स्वास्थ्य सेवा पाउनुपर्ने अधिकार प्रत्याभुतका लागि अस्पतालको स्वास्थ्य बीमा कार्यक्रमलाई एक महिना भित्र सुधार गरेर लैजाने प्रतिवद्धता गरे । सबै नागरिकलाई स्वास्थ्य बीमामा सहभागी गराएर सेवालाई सरल र सबैको पहुँचमा पुर्याउनु पर्नेमा उनको जोड थियो ।
अघिल्लो कार्यकालमा आफूले पूरा गरेका जिम्मेवारीभन्दा यस पटक थप चुनौतीहरु रहेको बताउँदै उनले सबै योजनाहरुलाई व्यवहारिक कार्यान्वयनका लागि आफ्नो पहल रहने उल्लेख गरे । लुम्बिनी प्रदेश सरकारको गौरवको योजनाका रुपमा रहेको अस्पतालको निर्माणाधिन भवनको कामलाई समयमै सम्पन्न गर्नका लागि आवश्यक समन्वय तथा सहकार्यका लागि पहल रहने उल्लेख गरे । अस्पतालमा निर्माणको काम भइरहँदा सेवाग्राहीलाई उपलब्ध गराइने स्वास्थ्य सेवामा कुनै कमजोरी वा असर नपर्नेगरी काम अघि बढाउन आफ्नो पहल रहने मेसु ढकालले बताए ।

पदस्थापनको अवसरका शुभकाना व्यक्त गर्दै अस्पताल बिकास समितिका पूर्व अध्यक्ष डा. बाबुराम भट्टराईले जनताले सधै सम्झिनेगरी जिम्मेवारी पूरा गर्न मेसु ढकाललाई सुझा दिए । जसभन्दा बढी अपजस आउन सक्ने सार्वजनिक पदमा बसेर काम गर्नु आफैमा चुनौतिपूर्ण रहेको बताउँदै उनले यसका सामना लागि सहकार्य नै उपयुक्त विकल्प भएको उल्लेख गरे । यसैगरी अस्पतालका पूर्व मेसु डा. कृष्ण खनालले शुभकामना व्यक्त गर्दै ठूलो जनसङ्ख्यालाई स्वास्थ्य सेवा उपलब्ध गराउने लुम्बिनी प्रादेशिक अस्पतालमा सकेसम्म कमभन्दा कम गुनासो आउने गरी कार्यसम्पादन गर्न सुझाब दिए । स्वास्थ्य क्षेत्रमा विभिन्न समस्या र चुनौतिहरु रहेको बताउँदै उनले ती चुतौतिको सामना गर्न सक्षम नेतृत्व र भूमिकाको आवश्यक रहने उल्लेख गरे ।

अस्पतालका प्रशासकीय प्रमुख राजन केसीको सञ्चालनमा आयोजित पदस्थापन तथा शुभाकामना कार्यक्रममा विभिन्न राजनीतिक दलका प्रतिनिधि, अस्पतालका विभाग प्रमुखहरु तथा सञ्चारकर्मीहरुको सहभागिता रहेको थियो ।