अध्यक्ष अर्यालका अनुसार ३ मेसिनबाट एक साथ ६ वटा सवारी साधनलाई चार्ज गर्न सकिनेछ ।

एउटा गाडी ३० मिनेट देखि १ घण्टामै फुल चार्ज हुने अत्याधिन मेसिन जडान गरिएको उनको भनाई छ ।

अनलाईन माध्यमबाट रकम भुक्तानी गरेर सवारी साधन चार्ज गर्ने व्यवस्था मिलाइएको छ । चार्जिङ स्टेशनमा सिसिएसटू डवल गन्स ६० किलोवाटको १ मेसिन र जिविटी डवल गन्स ६० किलोवाटका २ वटा मेसिन जडान भएका छन् ।

सहकारीले ई.भी फास्ट चार्जिङग स्टेशनमा १ करोड लगानी गरेको छ । सहकारीले चार्जिङ स्टेशनका अलवा लद्युवित्त लद्युउद्यम कार्यक्रम, पेन्सन योजना कार्यक्रम, दुर्घटना विमा कार्यक्रम, प्रसुती पोषण कार्यक्रम, विद्यार्थी पुरस्कृत र सम्मान कार्यक्रम एवं मोबाईल बैंकिङ सेवा दिदै आएको छ । सहकारीमा २ हजार ४८ सेयर सदस्य छन् ।

अध्यक्ष अर्यालले संस्थाको विधान र विनियमको परिधिभित्र रहेर बहुउद्देश्यीय परियोजना अन्तर्गत पेट्रोलपम्प, कृषि, पशुपालन व्यवसाय र जटिबुटी उत्पादन तथा प्रशोधन उद्योग सञ्चालनमा ल्याउने आगामी योजना रहेको बताए ।

०५२ साल चैत १० गते १५१ सदस्यबाट मासिक ४ हजार जम्मा गर्ने गरी स्थापना भएको सहकारीको हाल निक्षेप रकम ४० करोड ७४ लाख छ । १० लाख ६२ हजार शेयर रकम रहेको सहकारीको क्रृण लगानी ४६ करोड ८१ लख रहेको छ भने संचित नाफा मात्र ७८ लाख ५१ ह्जार रहेको छ ।