बुटवल । नेपाली कांग्रेस लुम्बिनी प्रदेशका सांसदहरुले डिल्ली बहादुर चौधरीलाई संसदीय दलको नेता बाट हटाउने प्रयास गरेका छन् ।
निवर्तमान मुख्यमन्त्री रहेका चौधरीलाई प्रदेश सभाका सांसदहरुले दलको नेताबाट हटाउने कसरतमा लागेका हुन ।
पुर्वमन्त्री राजु खनाल संस्थापन पक्ष छाडेर डा. शेखर कोइराला र गगन थापा पक्षमा लागे सँगै चौधरीलाई दलको नेताबाट हटाउन लागेका हुन ।
खनालले केन्द्रीय सदस्य गेहेन्द्र गिरीलाई भेटेर दलको नेता फेर्न पहल गरिरहेको स्रोतको दावी छ । स्मरण रहोस गिरी संस्थापन पक्षकै नेता हुन् ।
गिरीले नै यसअघि चौधरीलाई दलको नेता बनाउने बेला संयोजन गरेका थिए ।
चौधरीलाई दलको नेता बाट हटाएर राजु खनाल वा बीर बहादुर राना मध्ये एक दलको नेता बनाउने रणनीति ईतर समुहेको छ ।
लुम्बिनी पार्टीमा इतर समूहको वर्चश्व रहेको तर संसदीय दलमा भने गणित केही थोरै भएकाले यसअघिको प्रयास विफल भएको थियो ।
‘हामीले दलको नेता फेर्नेगरी बैठक बसेका छौं, केही समयमा यसलाई अगाडि बढाउँछौं, सम्भवतपूर्वमन्त्री राजु खनाल वा वीरबहादुर रानामध्येबाट छनौट हुनुहुनेछ, एक नेताले भने ।
८७ सदस्यीय प्रदेशसभामा दोस्रो दल रहेको कांग्रेसका २७ सांसद रहेका छन् ।
