सो अवसरमा बोल्दै विद्यालयका प्राधानाध्यापक विष्णु कुमारी गौतमले अपुरो शिक्षा पूरा गर्नको लागि विद्यालय कोशेढुंगा बनेको बताइन् । २७ जना विद्यार्थीबाट सुरू भएको विद्यालयमा अहिले २ सय भन्दा बढी विद्यार्थी अध्ययनरत छन् । विद्यालयका संस्था, सहयोगदाताहरुको जोडबल र सहयोगले विद्यालय यो स्थानसम्म आइपुगेको प्रअ गौतमको भनाइ छ । विद्यालयबाट अहिलेसम्म २ हजार ८५० जनाले शिक्षा हासिल गरेको विद्यालयको प्रतिवेदनमा उल्लेख छ ।

कार्यक्रममा बुटवल वडा नम्बर ६ का वडा अध्यक्ष लोकनाथ न्यौपाने, अक्षयकोषदाता वामदेव क्षेत्री, पूर्व विद्यार्थी देवु भट्टराई लगायतले बोल्दै विद्यालयलाई अझै पनि सबैले सहयोगका हातहरु फैलाउन आवश्यक रहेको बताए । विद्यालयका सह प्राचार्य तेजकुमारी लुइटेलको स्वागत तथा शिक्षक विष्णु केसीको सञ्चालनका कार्यक्रम सम्पन्न भएको थियो । कार्यक्रममा शिक्षक र विद्यार्थीहरुले विभिन्न नृत्य समेत प्रस्तुत गरेका थिए । विद्यालयका अहिले आफ्नै भवन छ । दर्जन शिक्षक÷कर्मचारी विद्यालयमा कार्यरत रहेका छन ।