बुटवल । रुपन्देही व्यापार संघले आफ्ना सदस्य व्यवसायीको पसलमा आगलागी भई क्षति पुगेको अवस्थामा राहात स्वरुप नगद रकम प्रदान गरेको संघले जनाएको छ ।
सोमवार संघले एक कार्यक्रमको आयोजना गरि बुटवल मैनावगरस्थित संघका सदस्य व्यवसायी अर्जुन पोखरेललाई रु. १ लाख ११ हजार १ सय ११ को चेक प्रदान गरिएको हो । सो चेक संघका संस्थापक अध्यक्ष मोतीराज ज्ञवाली, पूर्व अध्यक्षहरु मोतीलाल पाण्डे, कृष्णप्रसाद घिमिरे तथा अध्यक्ष दिपक अधिकारीले संयुक्त रुपमा पोखरेललाई हस्तान्तरण गर्नु भएको थियो ।
सो अवसरमा बोल्दै संघ अध्यक्ष दिपक प्रसाद अधिकारीले संघ सधै व्यवसायीहरुको पिडामा साथ रहने र व्यवसायीहरुलाई पर्ने समस्यामा सहयोगि बन्ने गरेको उल्लखे गर्दै व्यवसायीको समस्यामा केही भए पनि राहत पुगोस् भन्ने उद्देश्यले सहयोग गर्दै आएको बताउनु भयो ।
अधिकारीले यस प्रकारका संघ कहिल्यै उभिन नपरोस भन्दै आकस्मिक रुपमा हुने समस्याहरुमा संघ अभिभावक भएर काम गर्ने बताउदै संघको सहयोगलाई घाउमा मल्हम लगाउने काम मात्र भएको धारणा राख्नु भयो ।
संघले आगलागी, चोरी जस्ता घटना भएका व्यवसायिक प्रतिष्ठानलाई राहत प्रदान गर्ने उद्देश्यले राहात कोष स्थापना गरेको छ । गत चैत्र ११ गते राति मैनावगरस्थित पोखरेलको मोटर पार्टस पसल यशोदा सप्लार्यसमा आगलागी हुदा करिव १ करोडको क्षति भएको थियो ।