‘मृत्यु’ मार्गका नामले परिचित बुटवल–पाल्पा सडक खण्डको सिद्धबाबा क्षेत्रमा निर्माण भइरहेको सिद्धबाबा सुरुङ मार्गको काम २ बर्षमा जम्मा ११ प्रतिशत मात्र काम भएको छ ।
०७८ फागुनमा चाईना स्टेट कन्स्ट्रक्सन ईन्जिनियरिङले पाँच बर्षमा सक्ने गरी ठेक्का सम्झौता गरेपनि २ बर्षमा जम्मा ११ प्रतिशत काम सम्पन्न भएको हो ।
गत माघ देखि भने कामले धेरै नै गतिले लिएको छ ।
त्यस अघि रुखहरु काट्न अनुमती पाउँदा ढिलाई भएको थियो भने सुरुङ खन्न तयार अवस्थामा रहेको बेला बर्षामा दुवै तर्फका रिव पहिरोले परेपछि कामले गति लिन सकेको थिएन ।
माथिल्लो सिद्धबाबा मन्दिर अगाडिको पहरो हुँदै विद्युतको हेडबक्ससम्म एक हजार १२६ मिटर लामो सुरुङमार्ग निर्माण यति गतिमा काम भए ४ बर्षमा पूरा हुने आयोजनाको दावी छ । आयोजनाकी ईन्जिनियर सविता ज्ञवालीले मुख्य सुरुङमार्ग दक्षिण पोर्टलबाट ४८ मिटर सुरुङ खन्ने काम भइसकेको बताईन ।
दक्षिण र उत्तरतर्फका दुबै पोर्टल, निकासका लागि राखिएका तीनवटा सुरुङ, स्लोप कटिङ, स्लोप प्रोटेक्सन लगायतका काम एकसाथ अघि बढाएका कारण भौतिक प्रगति थोरै देखिएको उनको भनाइ छ।
हालसम्म १५ दशमलव ६ मिटरको पहिलो बाइपास टनेल, ७ मिटरको दोस्रो बाइपास टनेल र ४ मिटरको तेस्रो बाइपास टनेल खन्ने काम पूरा भएको छ।
