बुटवल । चारपाला सामुदायिक वन उपभोक्ता समूह बुटवल उपमहानगरपालिका वडा नम्बर– १२ विद्यालयको शैक्षिक सुधारमा जुटेको छ ।
वनले मंगलबार शुद्धोधन गाउंपालिका वडानम्बर–६ गुरौलीस्थित गुरौलिया माध्यामिक विद्यालयललाई डेक्स बेन्च हस्तान्तरण गरेको छ। वनका अध्यक्ष जगतनाथ शर्माले वनले शैक्षिक सुधारको लागि विद्यालयहरुलाई डेक्स बेन्च हस्तान्तरण गर्दै आएको बताए ।
मंगलबार गुरौलियमा माविलाई ३७ सेट डेक्कबेन्च उपलब्ध गराइएको उनको भनाइ छ । कार्यक्रममा वडा अध्यक्ष उपेन्द्र साहनीले आगामी दिनमा पनि वनको विद्यालयललाई सहयोगआवश्यक रहेको बताए । वनका पूर्व अध्यक्ष ओमप्रकाश ठाकुरले वनलेसंरक्षणबाट बचेको रकमबाट विधालय र सामुदायिक विकास गर्दै आएको बताए । अर्कापूर्व अध्यक्ष दुर्गा सुबेदीले साधन र वनको स्रोतले भ्यायसम्म सामाजिक कार्य गर्दैजानुपर्ने बताए ।
विद्यालयका प्रधानाध्यापक कृृष्णप्रसाद ज्ञवालीले विद्यालय आगामीदिनमा पनि सहयोगको अपेक्षा गरिएको बताए । यसैगरी वनले शुद्धोधनकै राधाकृष्ण बालआधारभूत विद्यालयलाई १२ थान बालमैत्री टेबल हस्तान्तरण गरेको छ । वनका उपाअध्यक्षरामकुमारी पौडेलको स्वागत तथा सचिव दुर्गा पाठकको सञ्चालनमा कार्यक्रम भएको थियो । वन विभिन्न टोल विकास संस्था, धार्मिक संस्था, जेष्ठ नागरिक मिलन केन्द्र, संस्कृतिविद्यापिठ, विरामीहरुलाई उपचारमा सहयोग गर्दै आएको छ । उपभोक्ताको हिसावलेचारपाला देशकै ठूलो सामुदायिक वन हो ।
