‘स्टेडियमबाट सहज रूपमा हामी हाइवेमा जान/आउन पाउनुपर्‍यो’, उपाध्यक्ष पौडेलले भने, ‘खेलाडीहरू, दर्शकहरू, यो स्थानसम्म आउनको लागि सजिलो हुनुपर्‍यो । फराकिलो बाटो चाहियो । तिलोत्तमा नगरपालिकाका नगरप्रमुख, उपप्रमुखसहित प्रतिनिधि सभामा प्रतिनिधित्व सबैसँगै सहकार्य गरेर स्टेडियमसम्म आउने रोड एक्सीसको लागि बजेट विनियोजन गर्ने योजनामा समावेश गर्ने कामको मैले जिम्मा लिन्छु ।’

बुटवल– भैरहवा सडक खण्डको तिलोत्तमाको मधवलियादेखि स्टेडियम ७ किलोमिटर पूर्व पर्छ । जहाँ पुग्न सहज बाटो छैन’, पौडेलले थपे, ‘भाषण र चिल्ला कुरा गर्न हुँदैन । सकिन्छ भने काम गर्नु राम्रो सकिन्न भने, गफ नगर्नु राम्रो, म गफमा विश्वास गर्दिनँ, काममा विश्वास गर्छु । स्टेडियमको लागि चाहिने सहयोग राज्यको तर्फबाट आफूले पूर्ण रूपमा गर्न लाग्नेछु ।’

सरकारको तर्फबाट गर्नुपर्ने सम्पूर्ण सहयोगको लागि आफूले अग्रसरता लिने पौडेलको भनाइ छ ।

पौडेलले आर्थिक राजधानीको रुपमा विकास भएको रुपन्देहीमा निजी क्षेत्रबाट निर्माण भएको रंगशालाले रुपन्देहीमा लगानी मैत्री वातावरण छ भन्ने पुष्टि गरेको र यसले खेल पर्यटनको माध्यमबाट जिल्लाको आर्थिक समृद्धिमा टेवा पुग्नेसमेत बताए ।

गत जेठ २९ गते शिलान्यास भएको रंगशालाको पहिलो चरणको कामअन्तर्गत खेल मैदान ९ महिनामै तयार भएपछि सोमवार लुम्बिनी प्रदेश प्रमुख अमिक शेरचनले मैदान उद्घाटन गरेका छन् ।

गुल्मीबाट तिलोत्तमामा बसाइँ सरेका र अष्ट्रेलियामा दश वर्ष बिताइसकेका विनोद कुँवरले अष्ट्रेलियामा ‘एक्स्ट्राटेक ओभल प्रालि’ नामको सूचना प्रविधि (आईटी) सम्बन्धी ट्रेनिङ इन्स्टिच्युट सञ्चालन गरेका छन् ।

उनी आफैं पनि आईटी इन्जिनियर हुन् ।

कन्सल्टेन्सी व्यवसाय समेत गरिरहेका विनोद कुँवर दम्पतीले रुपन्देहीको ४० करोड लगानी गर्ने गरी अन्तर्राष्ट्रियस्तरको क्रिकेट मैदान बनाउन सुरू गरेका हुन् ।

रंगशालाका अन्य पूर्वाधारहरू पाँच वर्षभित्र पूरा गर्ने लक्ष्य छ ।