रोट्रयाक्ट डिस्टिक ३२९२ नेपाल भुटानद्वारा धुलिखेलमा २ दिने प्रशिक्षक प्रशिक्षण (TOT) कार्यक्रम सम्पन्न भएको छ ।
आगामी रोट्रयाक्ट बर्ष २०२४/२५ का लागि देशैभर रहेका सम्पुर्ण रोट्रयाक्ट क्लबहरुका पदाधिकारी एवं सदस्यहरुलाइ रोट्रयाक्ट सम्बन्धि विभिन्न तालीमहरु प्रदान गर्ने उदेश्यले प्रशिक्षकहरुलाई तालिम प्रदान गरिएको हो ।
फागुन २५ र २६ गते धुलिखेल स्थित माउन्ट प्रिन्सेस होटेलमा भएको तालिममा प्रशिक्षकहरुलाई विभिन्न विषयबस्तुमा केन्द्रित रहेर सैद्धान्तिक, ब्यबहारिक एवं समुहहरु निर्माण गरि प्रयोगात्मक सिकाइ पद्धति र खेल सिकाइ पद्धति समेत अबलम्बन गरि तालीम प्रदान गरिएको थियो भने तालिममा सहभागीहरुलाई विभिन्न बिधाहरुमा मूल्याकंन गरि उत्कृष्टलाई पुरस्कृत समेत गरिएको थियो ।
सो अवसरमा रोट्रयाक्ट डिस्टिक ३२९२ का बर्तमान डिआरआर रोशन कुमार कार्की, प्रशिक्षक नानिकाजी खड्का, प्रदिप धिताल, २०२४/२५ का लागि इलेक्ट डिआरआर दिनेश गैरे लगायतले फरक फरक शिर्षकमा तालिम प्रदान गरेका थिए ।
आगामी रोट्रयाक्ट बर्ष २०२४/२५ लाई फरक एवं प्रभावकारी ढंगले अगाडि बढाउने र प्रशिक्षकहरुको भुमिकालाई पनि प्रभावकारी बनाउने उदेश्यले अहिले नै देशभर बाट ४६ जना प्रशिक्षकहरुलाई प्रशिक्षक प्रशिक्षण (TOT) कार्यक्रम सप्पन्न गरिएको बर्ष २०२४/२५ का डिआरआर बिक्रम क्षेत्रिले बताए ।
तालिम कार्यक्रमको सहजीकरण बर्ष २०२४ /२५ का लागि रोट्रयाक्ट डिस्टिक तालिम निर्देशक अनुषा घिमिरे नेपाल लगायतले गरेकाे बर्ष २०२४/०२५ का रोट्रयाक्ट डिस्टिक मिडिया समन्वय अफिसर आबिस्कार खनालले जानकारी दिए ।
