बुटवल उपमहानगरपालिका वडा नं. १० मा जथाभावी टांगिएका विद्युतका नांगो तारहरु विस्थापित गरि व्ल्याक कोटेड तारहरु विस्तार गर्ने काम भईरहेको छ ।
नांगो तारका कारण दुर्घटनाको जोखिम बढेको भन्दै वडा कार्यालयको पहलमा एउटै कोटेड तार विस्तार गर्न थालिएको वडा अध्यक्ष बल बहादुर पुनले जानकारी दिए ।
वडा अध्यक्ष पुनले कालिकानगरतर्फ ६३ वटा र रामनगरतर्फका १० वटा गरि ७३ वटा भित्रि सडक र गल्लीमा टांगिएका नांगो तारलाई हटाएर कोटेड तार विस्तार गर्न लागिएको जानकारी दिए ।
वडा अध्यक्ष पुनले वडा कार्यालयको पहल र सहकार्यमा नेपाल विद्युत प्राधिकरणबाट हालसम्म ५ वटा गल्लीमा कोटेड तार विस्तार भईसकेको र बांकि गल्ली र सडकमा डेढमहिना भित्र सम्पन्न गरिने बताए ।
अहिलेसम्म ११ सय मिटर तार उपलब्ध भईसकेको छ भने विस्तार गर्दै जांदा विद्युत प्राधिकरणले उपलब्ध गराउंदै जाने र नपुगेको स्थानमा वडा कार्यालयले बजेट सुनिश्चित गरेर भएपनि वडा नं. १० लाई नांगो तार रहित वडा बनाउने वडा अध्यक्ष पुनले बताए ।
आफुसंगै वडसदस्यहरुको निरन्तरको आग्रह र पहलपछि विद्युत प्राधिकरणले आफ्नै लगानीमा तार विस्तार गरिदिएको पुनले बताए ।
