बुटवल । बुटवलमा एक चिहान नाटकको मञ्चन हुने भएको छ । यहि फागुन ३,४ र ५ गते बुटवल स्थित अन्तर्राष्ट्रिय सम्मेलन केन्द्रमा एक चिहान नाटकको मञ्चन हुन लागेको हो । बुटवल ८ सुख्खानगर स्थित रागश्री संगीतालयको आयोजनामा हुन लागेको मञ्चनको तयारी पुरा भएको संगीतालयका व्यवस्थापन सुरेश सेञ्चुरीले पत्रकार सम्मेलन मार्फत जानाकारी दिए । हृदय चन्द्र सिंह प्रधानको लेखन रहेको नाटकको निर्देशन नकुल पौडेलको रहेको छ ।
काठमाडौंमा आउने आउने ११ जना र स्थानिय ५ कलाकार गरी नाटकमा कुल १६ कलाकारले विभिन्न भुमिकामा नाटक खेल्नेछन् । कुल ९ लाख खर्च अनुमान गरिएको नाटक मञ्चन दैनिक ३ शो हुने उनले बताए ।
उनंका अनुसार प्रत्येक विहान साढे ८ बजे, १ बजे र ३ बजे नाटक मञ्चन हुनेछ ।
पाठ्यक्रममा समेत समावेश भएको यो नाटकमा अधिकांश विद्यार्थीहरुको सहभागिता हुने सेञ्चुरीले बताए । नाटक अवलोकनका लागि प्रतिव्यक्ती ३५० रुपैयां टिकट दर कायम गरिएको छ । व्यवस्थापन सेञ्चुरीले एक चिहान नाटक मञ्चन पछि मोफसलमा पनि नाटक मञ्चन हुन सक्ने सन्देश बाहिर प्रभाव हुने बताए । पत्रकार सम्मेलनमा कलाकार बावुराम घिमिरे, संगीतालयका सदस्य माधव भण्डारी लगाएतले बोल्दै मोफसलमा हुन थालेको बहुचर्चित नाटकलाई अवलोकनका लागि आउन आग्रह गरे। कार्यक्रम सञ्चारकर्मी छाया पन्तको सञ्चालनमा सम्पन्न भएको थियो ।