तामाङहरुको नया वर्ष २८६० औ सोनाम ल्होसार पर्वलाई रुपन्देहीका तामाङहरुले विविध कार्यक्रम गरि मनाउने भएका छन । नेपाल तामाङ घेदुङ रुपन्देही समन्वय समितिको आयोजनामा बुटवलमा भाषा, धर्मसंस्कार पुजापाठसहित सामाजिक गतिविधिहरु रक्तदान कार्यक्रम गरि मनाउने भएको हो ।
शनिबार छ्युम्हे ज्याङछयुपलिङ गुम्बामा पत्रकार सम्मेलन गरि अध्यक्ष राजेश लामाले माघ २४ गते ब्लड बैकमा रक्तदान, २५,२६ र २७ दिप प्रजल्वन, २७ गते दिपनगर तामाङ कुलपुजा बुद्घगुम्बामा मुल कार्यक्रम अन्तरगत शुभकामना कार्यक्रम गरिने बताए ।
कार्यक्रममा पुर्व अध्यक्ष कृष्ण बहादुर मोक्तानले २०१३ सालमा स्थापना भएको संस्था देशभर नै तामाङ बसोबासीहरुको ठाउमा संगठित गर्दै भाषा, धर्म र संस्कृति संरक्षणको काम गर्दै आएको बताए । भाषा कक्षा संचालन चलाएको भएपनि अहिले आर्थिक समस्याले रोकिएको उनले बताए । भेषभुषा र संस्कृतिलाई संरक्षणको काम जरुरी रहेको उनले बताए ।
कार्यक्रममा केन्द्रिय सदस्य बिर बहादुर घिसिङले सोनाम ल्होसार धेरै देशमा मनाईने बताए । माघदेखि चाड शुरु हुने उनले बताए । पंचपात्र मन्जुश्री आधारमा यो पर्व मनाईने उनले बताए । वर्षदिनमा एकैठाउमा परिवार आफन्त भेटघाट भएर मिठामिठा खाना खाने र रमाईलो पर्व भएको उनले बताए ।
कार्यक्रममा छ्युम्हे ज्याङछयुपलिङ गुम्बाका अध्यक्ष बिर बहादुर गोङम्बा, नेपाल आदिबासी समन्वय समितिका सदस्य धना लामा, सचिव शम्भु मोक्तानले वार्षिक कार्यक्रम गर्दै आएको बताए । रुपन्देहीमा २५० घरधुरीमा ३ हजार जति जनसंख्या रहेको छ ।
