पाल्पाको रम्भा गाउँपालिका-१ भुमरमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा रम्भा गाउँपालिका-१ असर्दीका २८ वर्षीय हेमन्त जीटी रहेको जिल्ला प्रहरी कार्यालय पाल्पाले जनाएको छ ।
कार्यालयका प्रवक्ता प्रहरी निरीक्षक श्रीराम भट्टका अनुसार पिपलडाँडाबाट हुँगी जाँदै गरेको ग १४ प ३७५ नम्बरको मोटरसाइकल आइतबार राति करिब १० बजे कालीगण्डकी करिडोरमा दुर्घटना भएको हो ।
मोटरसाइकल सडकबाट अन्दाजी २०० मिटर तल कालिगण्डकी किनारमा खसेको उनले बताए ।
मोटरसाइकल चालक जीटीको दुर्घटनास्थलमै मृत्यु भएको हो । उनको शव पोष्टमार्टमको लागि रामपुर अस्पताल पाल्पा पठाइएको छ ।
