त्यसैगरी द्वितीय उपाध्यक्षमा ५ सय ५७ मतका साथ अधिकारी प्यानलकै प्रेमनाथ पाण्डे बिजयी भएका छन्  उनका प्रतिस्पर्धी भण्डारी प्यानलका नामदेव पाण्डेले ४ सय ११ मत प्राप्त गरे । संघको कोषाध्यक्षमा अधिकारी प्यानलकै मनिराम खनाल ५ सय ४४ मतका साथ बिजयी भए भने भण्डारी प्यानलका झविन्द्र प्रसाद अधिकारीले ४ सय ५२ मत प्राप्त गरे ।

त्यसैगरी सचिव पदमा भण्डारी प्यानलका मनोहरी बस्याल ५ सय २९ मतसहित विजयी हुँदा उनका प्रतिस्पर्धी अधिकारी प्यानलका मनिमदिन मियाले ४ सय ३८ मत प्राप्त गरे । सहसचिव पदमा भण्डारी प्यानलकै प्रकाशराज पौडेलले ५ सय ४८ मतसहित विजयी भए भने उनका प्रतिस्पर्धी अधिकारीको प्यानलका मेघनाथ पौडेलले ४ सय ४६ मतमा पाए ।

सहकोषाध्यक्ष पदमा ५ सय १९ मत सहित अधिकारीको प्यानलका अर्जुन प्रसाद भट्टराई विजयी हुँदा भण्डारी प्यानलका विनित भटराईले ४ सय ८५ मत प्राप्त गरे ।
संघको वरिष्ठ उपाध्यक्षमा प्रकाश ढकाल र महासचिवमा फर्शुराम पन्त यस अघि  नै निर्विरोध निर्वाचित भएका छन् ।

संघको कार्यसमिति सदस्य पदमा केदारनाथ नेपाल, टेकराज पन्थी, बृन्दा भट्टराई आचार्य, ईश्वरा देवकोटा, अशोक ज्ञवाली, गकुल ज्ञवाली, गोविन्द प्रसाद चापागाई, घनश्याम भुसाल, जयलाल न्यौपाने, जिवनारायण घिमिरे, जीवलाल पौडेल विजयी भएका छन् ।

त्यसैगरी सदस्य पदमै शोभा कुमारी जोशी क्षेत्री, नलराज नेपाल, बालकृष्ण बस्याल, माधव प्रसाद ज्ञवाली, रितेश ज्ञवाली र राजु श्रेष्ठ विजयी भएका छन् । कुल १ हजार ६ सय १ जना मतदाता रहेको संघको निर्वाचनमा एक हजार ८७ मत खसेको थियो । साँझ ८ बजे सुरु भएको मतगणनाको अन्तिम परिणाम राति ३ बजे घोषणा भएको थियो ।