पूर्वपश्चिम राजमार्गअन्तर्गत रुपन्देहीको देवदहमा बस दुर्घटना हुँदा २० जना घाइते भएका छन्। घाइतेमध्ये दुईजनाको अवस्था गम्भीर छ।

जिल्ला प्रहरी कार्यालय रुपन्देहीका डीएसपी मनोहरप्रसाद भट्टका अनुसार दाङबाट काठमाडौं जाँदै गरेको बा.प्र.०३–००१ नम्बरको बस गए राति पौने १२ बजे देवदह नगरपालिका-८ भलुहीमा पल्टिँदा २० यात्रु घाइते भएका हुन्। बसमा ३८ जना सवार थिए ।

घाइतेहरुको देवदह मेडिकल कलेजमा उपचार भइरहेको प्रहरीले जनाएको छ।