नेपालीले भव्य रूपमा मनाउने दुर्गा पक्ष अर्थात् दसैं पर्व धन धान्य एवं सम्पन्नताकी देवी महालक्ष्मीको पूजा आराधना सहित रात्रिमा जाग्राम बसेपछि आजदेखि समापन हुँदैछ।
आश्विन शुक्ल पूर्णिमाका दिन मनाइने कोजाग्रत पूर्णिमा आज साँझ सम्पन्नताकी देवी महालक्ष्मीको पूजा आराधना गरी रातभर जाग्राम बसेर मनाएसँगै १५ दिन लामो बडा दसैं पर्व समापन हुन्छ।
आजका दिन गुल्मीको मालिका गाउँपालिका वडा नं. ६ अर्जै पोखरबारीमा पूर्णिमा मेला हुने गर्दछ । खुडा, लौरा नचाएर खेलिने सरायँ नाच हेर्न गुल्मीको अलवा बाग्लुंन, पाल्पा, प्युठान, अर्घाखाँची बाट समेत मानिसहरु आउने गर्दछन् ।
हामीले यहाँ केही बर्ष पहिले अर्जैको पूर्णिमा खिचेका तस्वीरहरु देखाउँदैछौ ।
