उनका अनुसार बुधवार बिहान ७:३० देखि खोजतलास सुरु गरिएको छ । स्थानीय युवाहरु डुबेको स्थानमा नदी गहिरो र पिंधमा लेदो र ठुला ढुंगाहरु पनि रहेको उनले बताए । दुर्गा भवानीको मूर्ती बिसर्जनका क्रममा मंगलवार दिउँसो रुपन्देहीको मर्चवार क्षेत्रमा पर्ने कोटहीमाई गाउँपालिका वडा नम्बर १ र ५ को सीमानामा रहेको दुई मुहानमा डुवेर कोटहीमाई-१ का २० बर्षीय युवा सन्तकुमार राजभर बेपत्ता भएका थिए ।

मूर्ती बिसर्जनकै क्रममा डुवेर उक्त ठाउँकै २४ वर्षीय अजयकुमार नाउ र १८ वर्षीय अजय राजभरको मृत्यू भएको थियो । उक्त स्थान तिनाउ र दानव नदीको संगमस्थल हो । विगतका वर्षमा पनि मूर्ति बिसर्जन गर्ने क्रममा उक्त स्थानमा यस्ता घटनाहरु हुने गरेको स्थानीयले बताएका छन् ।

स्थानीय उद्धार टोलीबाट वेपत्ताको पत्ता नलागेपछि रुपन्देही जिल्ला प्रशासन कार्यालयले गोताखोर परिचालनका लागि गृह मन्त्रालयसँग माग गरेपछि गृह मन्त्रालयले सशस्त्र प्रहरी बलको तालिम प्राप्त गोताखोर टिम परिचालन गर्न भनेको हो ।