रुपन्देहीको मर्चवारमा दुर्गा मूर्ति विसर्जन गर्न गएका दुईजनाको नदीमा डुबेर मृत्यु भएको छ ।

दानव र तिनाउ नदीको संगम मर्चवार क्षेत्रको घाटमा गएका कोटहीमाई गाउँपालिका–१ बस्ने २४ वर्षीय अजयकुमार नाउँ र १८ वर्षीय अजय राजभरको नदीमा डुबेर मृत्यु भएको हो । एक जना भने बेपत्ता छन् ।

बेपत्ता २० वर्षीय सन्तकुमार राजभरको खोजी भैरहेको जिल्ला प्रहरी कार्यालय रुपन्देहीका प्रमुख प्रहरी उपरीक्षक भरतबहादुर विश्वकर्माले बताए ।