पुर्वपश्चिम महेन्द्र राजमार्ग अन्तरगत दाङकाे राप्ती गाउपालिका वडा नं ५ सिंगेमा नेकपा क्रान्तिकारी कम्युनिष्ट पार्टीका प्रवक्ता धर्मेन्द्र बाँस्तोलाले चलाएको गाडीले मोटरसाइकललाई ठक्कर दिँदा एक जना युवकको मृत्यु भएको छ।
दुर्घटनामा युवककाे ज्यान गएपछि सुर्खेतको पञ्चपुरी नगरपालिका–९ का बाँस्तोलाले चलाएको स्कार्पियोले मोटरसाइकललाई ठक्कर दिँदा दाङको राप्ती गाउँपालिका–५ का २९ वर्षीय बसन्तराम चौधरीको मृत्यु भएपछि उनलाई प्रहरीले नियन्त्रणमा लिएकाे छ।
पक्राउ परेका बास्ताेलालाई इलाका प्रहरी कार्यालय भालुवाङमा राखिएको प्रहरीले बताएको छ।
जिल्ला प्रहरी प्रमुख एसपी रामबहादुर केसीका अनुसार पूर्वपश्चिम राजमार्ग अन्तर्गत गएराति पौने १० बजेतिर काठमाडौंबाट सुर्खेततर्फ जाँदै गरेको बा ९ च ७१९८ नम्बरको स्कार्पियोले विपरीत दिशातर्फ गइरहेको रा ६ प ५७३८ नम्बरको मोटरसाइकललाई सिंगे नजिकै ठक्कर दिएको थियो।
दुर्घटनामा घाइते चौधरीलाई टाउकोमा चोट लागेर गम्भीर घाइते अवस्थामा प्रहरी टोलीले उद्धार गरी स्वास्थ्य चौकी सिसहनियाँमा पुर्याएको थियो। घाइते चाैधरीलाई राति १० बजेपछि स्वास्थ्य चौकी पुर्याएलगत्तै चिकित्सकले घाइते चौधरीलाई मृत घोषणा गरेका थिए।
घटनाबारे थप अनुसन्धान जारी रहेको जिल्ला प्रहरी प्रमुख केसीले जानकारी दिए।
