बुटवल उद्योग वाणिज्य संघले रुपन्देहीमा सरुवा भई आएका प्रमुख जिल्ला अधिकारी गणेश अर्याललाई स्वागत गर्नुका साथै संघमा कार्यरत कर्मचारी तथा परामर्शदाताहरुलाई सम्मान गरेको छ ।
सोमबार संघको सभाहलमा आयोजना गरिएको कोशेली घर उद्घाटन तथा मोटिभेसन कार्यक्रममा रुपन्देहीका प्रमुख जिल्ला अधिकारी अर्याललाई स्वागत गरिएको हो भने संघमा कार्यरत कर्मचारी तथा परामर्शदातालाई सम्मान गरिएको हो ।
उनीहरुलाई नेपाल उद्योग वाणिज्य महासंघका कार्यवाहक अध्यक्ष सुरकृष्ण वैद्य र बुटवल उद्योग वाणिज्य संघका अध्यक्ष उज्ज्वलप्रसाद कसजूले मायाँको चिनो प्रदान गरी सम्मान गरेका हुन । संघमा हाल ११ जना कर्मचारी छन् भने विषयगत रुपमा १० जना परामर्शदाता रहेको महासचिव बिमलराज भट्टराईले बताए ।
