बुटवल । पाल्पाको तिनाउ गाउँपालिका दोभानमा एक युवाको गए राती हत्या भएको छ । तिनाउ गाउँपालिका वडा नं. २ दोभानका २४ बर्षिय सुनिल खत्रीको चक्कु प्रहार गरी हत्या भएको जिल्ला प्रहरी कार्यालय पाल्पाले जनाएको छ ।
तीज गीतमा नाच्ने क्रममा भएको सामान्य झगडाले ठुलो रुप लिदा खत्रीमाथी चक्कु प्रहार गरी हत्या भएको जिल्ला प्रहरी कार्यालय पाल्पाका सूचना अधिकारी प्रहरी निरीक्षक सन्तोष चन्दले बताए।
चक्कु प्रहार बाट घाईते भएका खत्रीलाई उपचारका लागि बुटवलको लुम्बिनी प्रादेशिक अस्पतालमा ल्याएकोमा उनको राती मृत्यु भएको थियो ।
प्रहरीले हत्याको आरोपमा ४ जना युवालाई प्रहरीले नियन्त्रणमा लिएको छ। घटना बारे थप अनुसन्धान भइरहेको भन्दै पक्राउ गरेकाहरुको नाम अहिले बताउन नमिल्ने प्रहरी निरीक्षक चन्दले बताए ।
