बुटवल । लायन्स क्लब अफ तिलोत्तमा मायादेवीले राष्ट्रिय बाल दिवसको अवसरमा शुक्रबार ‘स्वस्थ शिशु’ प्रतियोगिता सम्पन्न गरेको छ । परिवार नियोजन संघ बुटवलको प्राविधिक सहयोगमा आयोजित प्रतियोगितामा बालबालिकाहरुको स्वस्थमा परीक्षण गरी उनीहरुलाई पुस्कृत गरिएको हो ।
प्रतियोगितामा भावना शाक्यका शिशु रेहान सिमाङ्गैडा प्रथम हुन सफल भए । यसैगरी स्यामु आले दोस्रो तथा आयांश तामाङ तेस्रोत हुन सफल भए । प्रतियोगितामा रियान्सी श्रेष्ठ, आराध्या श्रेष्ठ र आरान्या शाक्यलाई सान्त्वमा पुरस्कार प्रदान गरिएको क्लबले जनाएको छ ।
प्रतियोगितमा सहभागी बालबालिकाहरुको आम्दा अस्पताल बुटवलका बाल रोग विशेषज्ञ डा. प्रदिप शर्माले परीक्षण गरेका थिए । बालकालिकाहरुको उमेर, तौल, आहार, नाक, कान, घाँटी, आँखा, मुख लगायक हरेक अङ्गहरुको परीक्षण तथा स्वस्थताका आधारमा छनोट गरिएको उनले बताए ।
प्रतियोगितामा प्रदेशदेखि तेस्रो हुने बालबालिकाहरुलाई साइकल तथा सान्त्वना हुने ३ जनालाई आकर्षक खेलौना प्रदान गरिएको प्रतियोगताका संयोजक संगीता श्रेष्ठले जानकारी दिइन् । विभिन्न ठाउँका २५ जना बालबालिका सहभागी प्रतियोगितामा सबै अभिभावक तथा बालबालिकाहरुलाई प्रोत्साहनका लागि हात खाली नजाने विभिन्न उपहार प्रदान गरिएको उनले बताइन् ।
प्रतियोगिताको अवसमा बोल्दै डिष्ट्रिक ३२५ पी–२ का गभर्नर अर्जुनमान सैजुले सामाजिक क्रियाकलापमा सहभागी गराउँदै क्लबले आफूलाई क्रियाशिल बनाएकोप्रति धन्यवाद ज्ञापन गरे ।
कार्यक्रममा बोल्दै एमजेएफ पुरुषेत्तममान प्रधानाङ्ग, पिएमजेएफ बालाराम भट्टराई, प्रमोद कसजु, क्लबका संस्थापक अध्यक्ष सरस्वती अमात्य तथा आसा अमात्य कसजू लगायतले क्लबलाई सामाजिक क्रियाकलपामा थप सक्रिय बनाउन सुझाव दिए ।
क्लबका अध्यक्ष सरोज श्रेष्ठको अध्यक्षतामा सम्पन्न कार्यक्रमको सञ्चालन सचिव सिर्जना श्रेष्ठले गरेकी थिइन् भने प्रमुख सल्लाहकार यसोधा थैव, पूर्व अध्यक्ष तथा सल्लाहकार निलिमा शाक्य लगायतले शुभकामना व्यक्त गरेका थिए ।
