सुनकाण्डको स्वतन्त्र र निष्पक्ष छानबिनको माग गर्दै अनेरास्ववियु आबद्ध विद्यार्थीहरुले बुधबार बुटवलमा टर्च जुलुस निकालेका छन् । दोषीलाई कारबाहीको माग गर्दै टर्च बालेर विद्यार्थीहरुले बुटवल बहुमुखी क्याम्पसदेखि ट्राफिक चोकसम्म जुलुस गरेका हुन् ।
सहभागीहरुले ‘सुन काण्डका दोषीलाई कारबाही गर’, ‘सुन तस्करमा सहभागीलाई कारबाही गर’ लगायतका विभिन्न प्लेकार्ड बोकेका थिए ।
जुलुसपछि आयोजित कोणसभामा अनेरास्ववियुका केन्द्रीय सदस्य साजन भण्डारी, शेषकान्त पोखरेल, कृष्ण बस्यालले सरकारले आफू निकटका व्यक्तिलाई जोगाउने प्रपन्च गरेको आरोप लगाएका थिए । उनीहरुले प्रधानमन्त्री र गृहमन्त्रीले आफ्ना पार्टीका आरोपितहरुलाई जोगाउन अनेक बहाना गरेको आरोप लगाए ।
