प्रहरीका अनुसार, रुपन्देहीको कोटहीमाई गाउँपालिका-३ निवासी विजय भरले चलाएको लु ४७ प ४८३७ नम्बरको मोटरसाइकलमा ल्याउँदै गरेको कुर्ता सुरुवाल १ सय ४० पिस र मोटरसाइकलसहित अन्दाजी १ लाख ४९ हजार रुपैयाँबराबरको सामान बेथरीबाट बरामद गरिएको हो ।

यसैगरी, रुपन्देहीको गैडहवा गाउँपालिका ७ का सन्तकुमार खरबिन्दले चलाएको लु १ ह १६९४ नम्बरको ई–रिक्सामा ल्याउँदै गरेको टिसर्टलगायत ३ लाख ६० हजार रुपैयाँबराबरको सामान बरामद लोफडियाबाट बरामद गरिएको हो ।

बरामद गरिएका कपडा, सवारी साधन र चालकलाई भैरहवा भन्सार कार्यालयमा पठाइएको रुपन्देहीका प्रहरी प्रवक्ता तथा डीएसपी श्यामु अर्यालले बताए ।