बुटवल । बुटवलमा धर्म, ज्योतिष एवं बास्तु सम्मेलन हुने भएको छ । विश्व ज्योतिष महासंघ लुम्बिनी प्रदेश समितिको आयोजना तथा लुम्बिनी पूजा सामाग्री भण्डार बुटवलको सह–आयोजनामा हुने सम्मेलन साउन १९ र २० गते बुटवलमा हुने भएको हो ।
आयोजक संस्था विश्व ज्योतिष महासंघ लुम्बिनी प्रदेश कमिटिले पत्रकार सम्मेलनको आयोजना गरी सम्मेलनको तयारी पुरा भएको बताएको छ । बुटवलको सिद्धार्थ कटेजमा हुने सम्मेलनमा प्रा. डा. देवमणि भटट्राईले आशौच परिचय र निर्णयहरु विषयमा कार्यपत्र प्रस्तुत गर्नेछन् ।
त्यस्तै उप प्रध्यापक लक्ष्मीप्रसाद बरालले ज्योतिषशास्त्रमा बैदेशिक यात्रा सम्बन्धी कार्यपत्र प्रस्तुत गर्ने महासंघ लुम्बिनी प्रदेशका अध्यक्ष जनार्दन न्यौपानेले बताए ।
यसैगरी प्रशिक्षण बास्तु र जीवन प्रशिक्षण बारे डा. माधवमंगल जोसी कार्यपत्र प्रस्तुत गर्ने उनले बताए ।
करिव ४ सय भन्दा बढि ज्योतिषहरुको सहभागिता रहने सम्मेलनले बुटवल घोषणापत्र समेत जारी गर्नेछ ।
सम्मेलनमा स्वामी लोकानन्द जी महाराज, डा. माधवमंगल जोशी, नेपाल पञ्चांक निर्णायक विकास समितिका अध्यक्ष प्रा. श्रीकृष्ण अधिकारी, संस्कृत केन्द्रीय विभागका प्रा. डा. नारायण गौतमको उपस्थिती रहनेछ । प्रतिव्यक्ति १ हजार ५ सय प्रवेश शुल्क तोकिएको सम्मेलन विश्व ज्योतिष महासंघ लुम्बिनी प्रदेश कमिटिको पहिलो कार्यक्रम हो ।
