रुपन्देहीमा ११ जनाको मृत्यु भएको छ । कपिलबस्तुमा ३ जनाको मृत्यु भएको छ । दाङमा १, बाँकेमा ८, बर्दियामा ३ र नवलपरासीमा १ जनाको मृत्यु भएको छ ।

पहाडी तीन जिल्ला गुल्मी, अर्घाखाँची, रुकुम पूर्व जिल्लामा भने अहिले सम्म सर्पले टोकाइबाट मृत्यु नभएको निर्देशनालय जनाएको छ ।
तथ्याङक अनुसार रुपन्देही, नवलपरासी, कपिलवस्तु, बर्दिया,बाँकेमा सर्पको टोकाइ उच्च छ ।

जिल्ला रुपन्देहीमा ११३ जनालाई सर्पको टोकेको थियो । यस्तै, कपिलवस्तुमा १५ जना, दाङमा ४२, बाँकेमा ९८, बर्दियामा ८, पाल्पामा ३३ जना, रोल्पामा ७ जना, प्युठानमा १ जनालाई सर्पले टोकेको थियो ।

लुम्बिनी प्रदेश स्वास्थ्य निर्देशनालयका प्राविधिक खिमलाल पाण्डेका अनुसार साउनदेखि जेठ मसान्तसम्म सर्पको टोकाइबाट २७ जनामध्ये १३ जनाको अस्पताल नल्याउँदै बाटोमै मृत्यु भएको छ ।

लुम्बिनी प्रदेशमा अहिले १४ वटा सर्प दंश उपचार केन्द्र रहेका छन् ।

३ वटा नेपाली सेना र अन्य स्वास्थ्य मन्त्रालयले आफ्ना अस्पताललाई सर्प दंशको उपचारको केन्द्रको रूपमा खडा गरेको छ । तर सर्पदंशका उपचार केन्द्रहरू भए पनि अझै घरमै या उपचारको लागि अस्पताल ल्याउँदै गर्दा मृत्यु हुने संख्या धेरै देखिएको छ ।

कपिलवस्तु सर्पदंश उपचार केन्द्रका व्यवस्थापक नवीन भण्डारीका अनुसार पछिल्लो समय सर्पले टोकेको भन्ने थाहा नहुँदा पनि मर्ने क्रम बढेको छ ।

लुम्बिनी प्रदेश स्वास्थ्य मन्त्रालयका प्रवक्ता डा पुष्पराज पौडेलले सर्पदंशका कारण हुने मृत्यु घटना रोक्न प्रदेशमा रहेका सर्पदंश उपचार केन्द्रमा भ्याक्सिन, दक्ष जनशक्ति लगायतको व्यवस्था गरिएको बताए।