हस्पिटालिटी कक्षा सञ्चालन गर्दै आएको कफी हबले स्थापनाको छोटो समयमै ७ सय बढी विद्यार्थीलाई तालिम प्रदान गरेको छ । बेकरी तथा वारिष्ठा तालिम सञ्चालन गर्दै आएको कफी हबबाट सीप सिकेर विद्यार्थीहरु विदेशमा समेत जाने गरेका छन् । मुख्यगरी माल्दिभ्स, दुबई तथा इथोपियाका लागि सिधै रोजगारदाता कम्पनीसँग सम्पर्क गराई सीप सिकेकाहरुलाई काममा पठाउने गरिएको निर्देशक लामटाङ्गेले बताए । सीप सिक्न आउने गरिब तथा विपन्न वर्गकालाई निःशुल्क रुपमा समेत अध्यापन गराइएको उनले बताए ।

पछिल्लो समय युवाहरु बीच कफि क्रेज बढ्दै गएको बताउँदै उनले दैनिक आउने ग्राहकको रोजाईमा हट कफीतर्फ क्यापाचिनो, एक्सप्रेसो, डोपियो लगायतका परिकार पर्ने गरेका छन् । यसैगरी कोल्ड कफीतर्फ आइस अमेरिक्यानो, आइस क्यापाचिनो तथा क्याफे मोका पर्ने गरेको उनले बताए । कफी हबमा करिब ५ दर्जन स्वादका कफी उपलब् हुने उनले बताए ।

हाल तिलोत्तमा नगरपालिकासँग सहकार्यगरी बेकरिज तथा वारिष्ठा तालिम सञ्चालन गरिरहेका उनले व्यवसायी प्रवर्द्धनका लागि आफ्नै प्रोडकाष्ट समेत सञ्चालनमा ल्याएका छन् ।

हरेक हप्ता फरक–फरक व्यक्तिका व्यवसायीक तथा संस्थागत गतिविधि र सफलताका कथा बारे अन्तरक्रिया गर्नेगरी प्रोडकाष्ट सञ्चालनमा ल्याएका हुन् । विगत ९ वर्षदेखि होटल म्यानेजमेन्ट विषयमा अध्यापन गराउँदै आएका उनले आफ्नै यूटुव च्यानल ‘कफी टक वीथ तिरास’ सञ्चालन गरेका छन् । यसको माध्यमबाट पर्यटन व्यवसायको क्षेत्रमा योगदान पुर्याउनेको उनको मुख्य लक्ष्य रहेको छ । व्यवसायलाई अन्यले भन्दा फरक तरिकाले सञ्चालन गर्नका लागि आफूले नयाँ–नयाँ उपायको खोजिमा लागिरहने उनि बताउँछन् ।

तिरासले भने ‘मेरो युटुप च्यानल सञ्चालनमा ल्याएको केही समयमै सस्क्राइवरको सङ्ख्या ह्वात्तै बढ्न थालेको छ ।’