नेपाल रेडक्रस सोसाइटी, रक्तसंचार केन्द्र बुटवलको प्राविधिक सहयोगमा रक्तदान कार्यक्रम गरेको समितिका उपाध्यक्ष लेखनाथ भण्डारीले बताउँछन् । रगतको माग धेरै तर दाता कम हुदा रगत अभाव अवस्था आएको उनले बताए ।

रगत अभावलाई रोक्न आफुहरुले थप सक्रियता बढाउनुपरेको संयोजक प्रेम सुनारले बताए । ‘फोन गरेरै रक्तदाताहरुलाई बोलाएर रगतको सहज उपलब्धता हुने वातावरण गराएका छौ ।’—उनले भने ।

नेपाल स्वयंसेवी रक्तदाता समाजका केन्द्रिय महासचिव कृष्ण चौहान क्षेत्री रगत ब्यवस्थापन गर्दैमा रातको १२ बज्ने गरेको बताउँछन ।

ब्लड डोनरको तथ्याक संकलन गर्ने, सामाजिक संजालबाट समुहहरु बनाउने र उनिहरुलाई सुचनाहरु दिने जस्ता कामहरु गरेर भए पनि रगतको ब्यवस्थापन गर्दै आएको उनले दाबी गरे ।

‘ब्लड बैकले गर्नुपर्ने काम हामीले गरेका छौ ।’—उनले भने । शुक्रबार ‘एबी’ पोजिटिभ रगत आवश्यक रहेको एक सुत्केरीलाई डोनर खोजेर ३ पोका रगतको ब्यवस्थापन गरेको बताए । ‘सुत्केरीको हेमोग्लोबिन ३ पोइन्ट मात्र रहेछ ।’— उनले भने ।

आमालाई उपचार गराउन अस्पतालमा रहेका उनि आफै रगत ब्यवस्थापनमा लागे । रगतको अभावलाई रोक्न दीर्घकालिन योजना ल्याउनुपर्ने उनको सुझाव छ ।

बिरामीको माग अनुसार ब्लड झिक्न मिल्ने विश्वमा नयाँ प्रविधिहरु भित्रिएपनि नोपलमा यसलाई ल्याउन नसकिएको उनले बताए ।
ब्लड बैकमा दैनिक ३ सिफटमा रक्तदान हुने गरि पहल थाल्न सके धेरै राम्रो हुने उनी बताउँछन ।

बढीभन्दा बढी युवा रक्तदाताहरुलाई रक्तदानमा प्रोत्साहन गर्दै कार्यक्रमहरु चलाउनुपर्ने उनले बताए । बुटवलमा धेरै अस्पतालमा मृगौलाको बिरामीहरुलाई रगत आवश्यक हुने हुदा पनि यसको चाप ब्लड बैकमा परेको उनले बताए ।

‘डायलोसिस गर्ने बिरामीहरुको धेरै चाप छ ।’—उनले भने । पछिल्लोसमय मौसमको कारण पनि बिरामी बढ्दा रगतको माग बढेको हुनसक्ने उनको तर्कछ ।

कार्यक्रममा नेपाल रेडक्रस सोसाईटी, रक्तसंचार सेवा केन्द्र बुटवलकी सदस्यसचिव राधा शर्माले ब्लड बैकमा ‘ओ’ समुहबाहेक अन्य सबै रगतको अभाव रहेको बताईन । ‘जाडो स्टकले ‘ओ’ ग्रुप धानेको छ ।’—उनले भनिन ।

दैनिक ९० युनिट बढी रगत खपत हुने बुटवलमा शाखामा बिरामीका आफन्तको भिड लाग्ने गरेको छ ।

ब्लड क्यान्सर, सुत्केरी, मृगौला खराब भएर डायलोसिस गर्ने बिरामी लगायतमा बढी रगतको खपत हुने गरेको छ । रगतको ब्यवस्थापनमा सबै सरोकारवाला निकाय एकिकृत योजना र अभियानलाई लैजानुपर्ने देखिन्छ ।