बुटवल। बम पड्काउदै फिरौती रकम माग गर्ने गिरोहका तीन जनालाई रुपन्देही प्रहरीले पक्राउ गरेको छ । रुपन्देहीको सियारी गाउ“पालिका–४ का २७ वर्षीय अब्दुल हाकिम खांन, रुपन्देहीको कोटहीमाई–३ पर्सियाका वर्ष २२ का सुरज लोहार, कोटहीमाई–४ का सुरज थारुलाई रुपन्देही प्रहरीले बिहीबार पत्रकार सम्मेलन गरी सार्वजनिक गरेको हो ।
उनीहरुलाई रुपन्देहीको विभिन्न स्थानबाट पक्राउ गरिएको जिल्ला प्रहरी कार्यालय रुपन्देहीका प्रमुख प्रहरी उपरिक्षक भरतबहादुर विकले जानकारी दिए । उनीहरु तीनै जना रुपन्देहीका विभिन्न स्थानमा बम पड्काउने र फिरौती रकम माग गर्ने अपराधिक कार्यमा संलग्न भएको प्रहरीको दावी छ । गत मंगलबार पक्राउ परेका उनीहरुलाई अदालतबाट म्याद थप गरी अनुसन्धान गरिएको प्रहरीले जनाएको छ । घटनामा अन्य व्यतिmहरु संलग्न रहेको आशंका प्रहरीको छ
प्रहरीका अनुरसार नया“ वर्षको सुरु दिन अर्थात् २०८० वैशाख १ गते सियारी गाउ“पालिकाका अध्यक्ष थानेश्वर घिमिरेको घरलाई लक्षित गरी पर्खालमा प्रेसर कुकर बम राखेका थिए । उक्त बम स्थानीयको सूचनालगत्तै नेपाली सेनाको टोलीले डिस्पिोज गरेको थियो । यस्तै असार एक गते व्यवसायी भैरवप्रसाद कलवारको सिद्धार्थनगर–४ मा रहेको दाना फ्याक्ट्री गोदामको पर्खाल बाहिर पे्रसर कुकर बम विस्फोट गराएका थिए । व्यक्तिसंग फिरौती माग गर्ने र तर्साउने उद्देश्यले सिटी हस्पिटल भैरहवा नजिकै सडकमा समेत बम विस्फिोट गराएको र यी सबै घटनामा तीनै जनाको सम्लग्नता रहेको तथ्य फेला पारेको प्रहरीको भनाइ छ ।
उनीहरुबाट दुई थान मोटरसाइकल र पांच थान मोबाइलसमेत प्रहरीले बरामद गरेको जनाएको छ । रुपन्देहीमा सिरियल रुपमा बम भेटिने तथा चोरी बढ्दै जान थालेपछि लुम्बिनी प्रदेश प्रहरी कार्यालय प्रमुख डिआईजी उमेशकुमार जोशी आफैंले सक्रियता बढाएका थिए ।