बुटवल । लुम्बिनी प्रदेशका ४ उपमहानगरपालिकाले ५ अर्ब भन्दा बढिको बजेट ल्याएका छन् । आर्थिक बर्ष ०८०÷०८१ का लागि बुटवल, घोराही, तुल्सीपुर र नेपालगञ्ज उपमहानगरपालिकाले कुल ५ अर्ब २४ करोड ९८ लाख ८४ हजार रुपैयाँको बजेट ल्याएका हुन ।
४ उपमहानगरपालिका मध्ये सवैभन्दा धेरै बजेट बुटवल उपमहानगरपालिकाले ल्याएको छ भने सवैभन्दा कम बांकेको नेपालगञ्ज उपमहानगरपालिकाले ल्याएको छ । बुटवल उपमहानगरपालिकाले आर्थिक वर्ष २०८०÷८१ का लागि २ अर्ब ३६ करोड रुपैयाँको बजेट ल्याएको छ । सवैभन्दा कम नेपालगञ्ज उपमहानगरपालिकाले एक अर्ब ६७ करोड ५६ लाख एक हजार पाँच सय ८७ रुपैयाँको बजेट ल्याएको छ ।
यसैगरी दाङको घोराही उपमहानगरपालिकाले २ अर्ब १५ करोड ५४ लाख ८३ हजारको बजेट सार्वजनिक गरेको छ । त्यसैगरी दाङकै तुल्सीपुर उपमहानगरपालिकाले १ अर्व ७९ करोडको बजेट ल्याएको छ ।
