बुटवल । सामूहिक विकास साकोसको आयोजना तथा संस्थाको सामाजिक सेवा उपसमितिको संयोजनमा ५० औं विश्व वातावरण दिवसको अवसरमा आज वृक्षारोपण कार्यक्रम सम्पन्न भएको छ । संस्थाका अध्यक्ष  सुरेन्द्र कुमार वर्माज्युको अध्यक्षता तथा संस्थाका सचिव मिनप्रसाद पोख्रेलको सञ्चालनमा सम्पन्न कार्यक्रममा सञ्चालक समितिका पदाधिकारी एवं सदस्यहरु, विभिन्न उपसमितिका सदस्यहरु र कर्मचारीहरुको उपस्थिति रहेको थियो ।
#Beatplasticpollution भन्ने नाराका साथ विश्वभरी मनाईरहेको विश्व वातावरण दिवसको अवसर पारेर संस्थाले तिलोत्तमा नगरपालिका वार्ड नं. २ र ३ मा अवस्थित सिद्धार्थ राजमार्गको शंकरनगर चोकको डिभाईडर र तिलोत्तमा नगरपालिका वार्ड नं. ६ मा अवस्थित तिलोत्तमा पार्कमा वृक्षारोपण कार्यक्रमको आयोजना गरी सम्पन्न गरेको हो ।
तिलोत्तमा नगरपालिका वार्ड नं. ३ मा अवस्थित यस सामूहिक विकास बचत तथा ऋण सहकारी संस्थाले वार्षिक रुपमा कम्तिमा ६ वटा सामाजिक सेवामा कार्य गर्दै आईरहेको छ । रुपन्देही जिल्लाभर कार्यक्षेत्र र प्रदेशमै उत्कृष्ट संस्थाको रुपमा परिचित यो सहकारीमा करीव १० हजार शेयर सदस्य रहेका छन् भने वासलात ३ अर्व २० करोड रहेको छ । सामूहिक विकास साकोस राष्ट्रिय सहकारी महासंघ, नेफ्स्कुन र राष्ट्रिय सहकारी वैंकबाट पटक पटक उत्कृष्ट सहकारीको रुपमा समेत पुरस्कृत भएको संस्था हो ।